Өнөөдөр өглөө үүрээр Филиппиний нийслэл Манила хотын зочид буудлын Resorts World Manila цогцолборт гэмт этгээд гал нээсний улмаас 36 хүн нас барж, 50 гаруй хүн шархдаж бэртсэн хэрэг гарсан байна. Нүүрэндээ баг өмссөн этгээд хоёрдугаар давхрын зогсоолд машинаа тавиад казинод ормогцоо эмх замбараагүй гал нээгээд тоглоомын ширээнүүд рүү бензин цацаж гал тавьжээ.

Амь алдагсдын олонхи нь галын улмаас бэртэл авснаас болсон гэж албаныхан мэдээллээ. Гэмт этгээдийг хэн болох, ямар үндэстэн гэдгийг хараахан тогтоогоогүй байна. Хууль хяналтынхан гэмт этгээдийг англиар ярьдаг, цайвар царайтай, өндөр эрэгтэй байсан байж магадгүй гэж байгаа ч өөр нэг эх сурвалж болохоор гэмт этгээд өөрийнхөө амийг хөнөөсөн, цагдаагийнхан түүний цогцосыг олсон гэж бичиж байна.
 
Цагдаагийнхны таамаглаж байгаагаар бол гэмт этгээд казиног л сүйрүүлэх зорилго агаулснаас биш хүмүүсийг онилоогүй, тэгэхээр алан хядлага, халдлага биш гэж байна. Үнэхээр ч түүний үүргэвчнээс 2,3 сая доллартай тэнцэх 113 сая филиппин песо олджээ.

Төсөрхөн энэ хэргийн хариуцлагыг алан хядагч “Лалын улс” зэвсэгт бүлэглэл хүлээлээ гэсэн мэдээлэл тарсан ч филиппиний цагдаагийнхан болохоор үүнийг зүгээр л суртал нэвтрүүлэг гэж нэрлэсэн байна.