Ираны парламентын хуралдааны танхимд зэвсэглэсэн этгээд гал нээлээ гэж мэдээллийн Tasnim агентлаг дамжууллаа. Одоо ч парламентын ордонд буун дуу үргэлжилж  хэсэг хүнийг барьцаалсан гэж мэдээлж байна. 

Орон нутгийн цагаар өглөөний 10,30 цагт зэвсэглэсэн дөрвөн этгээд парламентын ордонд дайрч ороод хамгаалалтын ажилтнууд руу эмх замбараагүй гал нээсэн гэж ираны ISNA агентлаг мэдээлжээ. Одоогийн байдлаар зэвсэгт этгээдүүдийг парламентын нэгэн албан өрөөнд оруулан бүслээд баривчлахаар ажиллаж байна. 

Энэ үеэр бас нэг хүн амь алдаж, найман хүн шархадлаа гэж хэвлэлүүд мэдээлж байна. 

Яг энэ үйл явдалтай зэрэгцээд Тегераны ойролцоох Ираныг үндэслэгч Рухолла Мусави Хомейни бунханд ч бас буун дуу гарсан байна. Бунханд бөмбөг дэлбэлсэн гэсэн мэдээлэл ч бас байна. 

Хамгийн сүүлийн мэдээгээр цагдаагийнхан зэвсэгт этгээдүүдээс хоёрыг нь баривчилсан гэж байна.