Их Британийн нийслэл Лондон хотын 24 давхар барилгад гарсан түймрийн үеэр 17 хүн амь үрэгдэж, 41 хүн ор сураггүй алга болоод байна гэж Sky News телевиз мэдээллээ. Өөр 79 хүн түлэгдэж гэмтэн эмнэлэгт хүргэгдсэний 17 нь хүнд байна.

120 орчим айлын иргэдийг түймрийн бүсээс гарган нүүлгэн шилжүүлж ойр орчмын нийгмийн төвүүд, сүмүүдэд орогнуулсан байна.
“Олон арван хүн сураггүй болсонд тооцогдож байна. Одоогоор тэдний тоо 41 болоод байна” гэж телевизийн мэдээнд дурджээ.

Шүүх эмнэлгийн шинжээч эмч профессор Питер Ванезис “нас барсан хүмүүсийн цогцосыг танихад хугацаа хэрэгтэй. Цогцосын үлдэгдлийн байдлаас болоод хэдэн   долоо хоног, бүр сар ч болж магадгүй” гэсэн байна.