Чехийн нийслэл Прагад болсон үндэсний ээлжит “Жофины форум”-д оролцсон тус улсын ерөнхийлөгч Милош Земан Европын холбооноос гарах тухай бүх нийтийн санал асуулга явуулахыг дэмжиж байгаагаа илэрхийлсэн байна.

“Би шууд ардчиллын талын, бүх нийтийн санал асуулга явуулах талын хүн. Ийм учраас бүх нийтийн санал асуулга явуулахыг дэмжиж байна. Гэхдээ би өөрөө бол Европын холбооноос гарахын эсрэг санал өгнө. Энэ асуудлыг чехийн иргэд шийдэх ёстой” гэж Земан хэлжээ.

Үүний зэрэгцээ Земан Европын холбоо, ялангуяа Германы канцлер Ангела Меркелийг хатуу шүүмжилсэн байна. Түүнийхээр бол германы канцлер хатагтай Европт сирийн дүрвэгсдийг оруулахаар урьсан нь бүдүүлэг алдаа болсон гэжээ. Ингэснээр тэр зөвхөн Герамнд төдийгүй бүх Европт гамшиг авчирсан гэнэ.