Орост манай гаригийн тэргүүлэгч улс гүрэн болж энэ дэлхийг өөрчлөх болно гэж Дээрхийн гэгээн XIY Далай лам үзэж байна.
“Орос аугаа их үндэстэн. Газар зүйн хувьд ч дорно, Өрнийг холбосон улс. Үүнээс гадна байгалийн асар их нөөцтэй” гэж Далай лам Synergy Global Forum форумд оролцогчдод хандсан видео илгээлтдээ дурджээ.

Тэрээр “Газар зүйн хувьд Орост асар их боломж байгаа. Шинэ санаа, бие биенээ хүндэтгэх, хүн байхын утга учир баяр баясгалан байна. Орос өөрийн боломжоо зөв хуваарилж, ашиглана гэж би бодож байна. Орост дэлхийн тэргүүлэгч үндэстэн болох нөөц боломж бий” гэжээ.

Оросын бизнесмэнүүдэд хандсан дүрс бичлэгийн илгээлтийг Москва хотод арвангнэгдүгээр сарын 27-28-нд болох Synergy Global Forum форум дээр үзүүлэх юм байна.

Далай лам бас  ЗХУ-ын үед хүүхэд ахуй цагтаа  очиж байсан оросын бүс нутгуудад очих хүсэлтэй байгаагаа ч энд дурджээ. “Би бага байхдааТува, Монголын олон хүнтэй уулзаж байлаа. 1979 оноос хойш Монгол, Зөвлөлтийн хэд хэдэн бүгд найрамдах улсад очих боломж олдсон.

Түүнийхээр бол тэрээр энэ газрууддаа дахин очихыг маш их хүсч байгаа гэнэ. “Би залбирч байна. Мөргөж залбирахаас үйл ажиллагаа илүү чухал. Удахгүй халимаг, Буриад, Тувад очихыг маш их хүсч байгаа ч ойрын үед ийм боломж олдохгүй байх гэж бодож байна” гэжээ.