Хятадын эрдэмтэд өвчтөнийхөө биед хамгийн тохиромжтой чихийг лабораторийн нөхцөлд 3 хэмжээст хэвлэгчээр хэвлээд суулгах мэс ажилбар анх удаа хийжээ. Одоогоор төрөлхийн чихгүй төрсөн 5 хүүхдэд энэ мэс заслыг хийсэн байна.Өвчтөний эсээс үүсгэн 3 хэмжээст хэвлэгчээр хэвлэсэн чихийг мэс заслын аргаар хүүхдийн дутуу хөгжилтэй чихний оронд суулгасан байна.  Өмнө нь эрдэмтэд өвчтэй хүнийхээ бие дээр нь чих ургуулах оролдлого хийж байсан боловч бие махбодидоо татагдаж шингэчихээд байсан байна.


 Харин энэ удаад эрдэмтэд сүвэрхэг бүтэцтэй чихний загварыг бүтээж суулгажээ. Өвчтөний өөрийнх нь хөгжөөгүй чихнээс мөгөөрсний эс авч үржүүлсэн бөгөөд шинэ чихийг суулгах мэс ажилбар хүртэл 3 жил лабораторид үржүүлэхэд зарцуулсан гэнэ. Эрдэмтэд энэ удаад чих суулгах мэс ажилбарыг маш амжилттай болсон гэж үзэж байгаа юм байна. Энэ ажлынхаа үр дүнг бүрэн дүгнэхэд таван жил шаардлагатай гэж үзэж буй гэнэ.