Завхан аймгийн Улиастай хотод 3000 морин хуурч ая эгшигээ өргөх гэж байна. Үүнд тус аймгийн 29 сургуулийн 1000 гаруй сурагч,  Орхон, Дорноговь, Дундговь, Өмнөговь, Говьсүмбэр, Говь-Алтай, Ховд, Хөвсгөл, Нийслэлийн 7 дүүрэг, МУБИС, ХААИС, ШУТИС, СУИС, МУ-ын Консерватурын хуурч оролцох ажээ. Өөрөөр хэлбэл 8 настайгаас 80 нас хүртэлх хуурчид тоглоно. Мөн тус аймгийн шинэ спорт цогцолборын нээлтэд оролцох юм. Эдгээр морин хуурчид  2018-оны 9-р сарын 20-нд  ая эгшигээ өргөж  чуулах гэж байна.

Урд нь Завхан аймаг 999-н морин хуурч хүүхдүүд бэлтгэн 2011-оны 7-р сарын 4-нд Нийслэл хотноо Сүхбаатрын талбайд тоглуулсан. Мөн Завхан аймагтаа дахин 2222-н морин хуурч хүүхдүүдийг бэлтгэн амжилттай тоглуулсан билээ.