Монголын киночдод хэдийнэ танил болсон “48 цаг” кино наадмын бүртгэл эхэлжээ. Киночдын ур чадварыг дээшлүүлэн, авьяаслаг залуу уран бүтээлчдийг тодруулах, олон улсын киночидтой өрсөлдөх боломж олгон Монголын кино урлагийг дэлхийн тавцанд гаргах зорилготой тус наадам 9 дэх жилдээ зохиогдох гэж байгаа нь энэ. Наадам ирэх сарын 12-14-нд болох бөгөөд “48 цаг-Монгол 2018” наадмын шилдгээр шалгарсан бүтээл гадаадын наадамд оролцох эрхтэй. Тодруулбал, ирэх оны 3 дугаар сард АНУ-ын Флорида мужийн, Орландо хотноо болох “Filmapalooza” буюу “48 цаг” олон улсын наадамд оролцож дэлхийн 150 орны киночидтой шилдгийн төлөө өрсөлдөж, мѳн Франц улсын Канн хотын олон улсын кино наадмын (Cannes International Film Festival) БЭСРЭГ КИНО буланд киногоо гаргах эрхтэй болох боломж бүрдэх юм.