67 жилийн дараа Ертөнцийн миссийн тайзнаа анх удаа Монгол гоо үзэсгэлэн эх орон, ёс заншил, өв уламжлалаа дэлхийн хэдэн тэрбум үзэгчдэд сурталчлан танилцуулах гэж байна. Өнөөдөр болох "Үндэсний хувцасны шалгаруулалтад мисс Д.Долгионы өмсөх хувцсыг Торго салоны хамт олон ур ухаанаа шингээн бүтээжээ. Энэхүү бүтээл нь дундад зууны үеийн буюу Монголын эзэнт гүрний хатадын хувцас өмсгөлөөс санаа аван хийгдсэн бөгөөд оёход нийт 300 гаруй цагийг зарцуулж 100,000 орчим чимэглэлийг гар аргаар оёж тогтоожээ.
Мөн Монгол үндэсний хувцасны уламжлалт оёдлын арга ажиллагаа, деталь хэсгүүдийг тусгаснаас гадна олон зуун жилийн түүхтэй Монгол уран дархадын уран нарийн хийцийг шингээжээ. Монголын цагаар өнөөдөр орой 23:00 цагт Дэлхийн загварын хамгийн том тайзнаа мисс Д.Долгион гайхуулах юм.
