Монгол Улсын Филармониос жил бүр уламжлал болгон зохион байгуулдаг шинэ жилийн баярын хамгийн том тоглолт болох “Snow Melody” new year`s concert-ыг та бүхэн мэдэх биз ээ. Дэлхийн болон Монголын шинэ жилийн баярт зориулан бүтээсэн бүтээлүүдээс бүрдсэн уг концерт өвөрмөц дуугаралт, гайхалтай сонгодог орчин, шинэ хэв маягийн тайз засалт, мэргэжлийн уран бүтээлчдийн сэтгэл сэргээм, тансаг хөг аялгууг мэдрүүлдгээрээ аль хэдийн үзэгч, сонсогчдын хүсэн хүлээдэг тоглолт болсон.
Энэ жилийн “Snow Melody 2019” new year`s concert 2018 оны 12-р сарын 28-нд дэлхийн стандартад нийцсэн дуугаралт, тайз засалт, дэлгэц бүхий corporate convention center-т болно. Тоглолтонд Улсын Филармоний Симфони найрал хөгжим, Баянмонгол жазз найрал хөгжим, Морин хуурын чуулга, гоцлол дуучид болон рок попын дуучид, бүжигчид гээд 200 гаруй мэргэжлийн уран бүтээлчид оролцох нь.
