ЮНЕСКО-ийн Ерөнхий бага хурлын 30 дугаар чуулганаар жил бүрийн 3 дугаар сарын 21-ний өдрийг “Дэлхийн яруу найргийн өдөр” болгон тэмдэглэж байхаар тунхагласан билээ. Дэлхийн яруу найргийн өдрийн мэндийг үе үеийн яруу найрагчдад болон яруу найраг сонирхогч бүх хүмүүст ЮНЕСКО-ийн Монголын үндэсний комиссын зүгээс дэвшүүлжээ.

Энэхүү тэмдэглэлт өдөр "Монголын Үндэсний Номын сан", "Монголын Зохиолчдын Эвлэл"-ээс хамтран зохион байгуулж буй "Дэлхийн яруу найргийн өдөр" -т зориулсан Дорнын их яруу найрагч, Төрийн шагналт, МУСГЗ, Бэгзийн Явуухулангийн 90 жилийн ойн нэрэмжит "Зохиолч уншигчдын уулзалт, хэлэлцүүлэг" Үндэсний төв номын санд зохион байгуулагдав.