Залуу энтрепренёр иргэн уралдаан нь ЮНЕСКО-ийн Тогтвортой хөгжлийн боловсролын Даян дэлхийн үйл ажиллагааны хөтөлбөрийн хүрээнд зохион байгуулагдаж байна. Энэхүү уралдаан нь залуу энтрепренёр иргэдийн шинэ санаачилгыг ашиглан НҮБ-ын Тогтвортой хөгжлийн зорилтуудыг хэрэгжүүлэх зорилготой даян дэлхийн хөтөлбөр юм. Түүнчлэн, энэхүү уралдаан нь залуучуудын дунд хувиараа бизнес эрхлэх соёлыг дэлгэрүүлж, залуучуудын ажилгүйдлийг багасгахад хувь нэмэр оруулахыг зорьж байна.
Уралдаанд 15-35 насны залуу энтрепренёрүүд оролцож Тогтвортой хөгжлийн 17 зорилгын нэг ба түүнээс дээш зорилгыг хэрэгжүүлэн нийгэмд эерэгээр нөлөөлөх шинэлэг санаачилга, төслийн саналыг ирүүлэхийг урьж байна.
Залуу энтрепренёр иргэн уралдаан нь “Шилдэг санаа” болон “Шилдэг төсөл” ангилалд явагдах бөгөөд ангилал тус бүрт тэргүүн, дэд, гутгаар болон “Хүмүүсийн сонголт” байрыг шалгаруулна. Уралдаанд материал хүлээн авах эцсийн хугацаа 2019 оны 7 дугаар сарын 31-ний өдөр болно.
