Монгол Улс, БНХАУ-ын хооронд дипломат харилцаа тогтоосны 70 жилийн ойг хоёр улс энэ онд ёслол төгөлдөр тэмдэглэж байна. Ойн хүрээнд хоёр улсын соёлын солилцоог хөгжүүлэх зорилгоор зохион байгуулж буй нэгэн томоохон ажил нь БНХАУ-ын Өвөр Монголын музей, Монголын Үндэсний музейтэй хамтран "Хятан-Их Ляо улс: БНХАУ-ын ӨВӨР МОНГОЛЫН ХЯТАНЫ ШИЛДЭГ ҮЗМЭР" үзэсгэлэн юм.
Тус үзэсгэлэнгийн нээлт өнөөдөр Монголын Үндэсний музейд боллоо.
Нээлтэнд Монгол талаас БСШУС-ын дэд сайд Г.Ганбаяр, ЗГХА Соёл, урлагийн газрын дарга Г.Эрдэнэбат, БСШУСЯ-ны Соёл, урлагийн бодлогын газрын дарга Б.Сэргэлэн, Монголын Үндэсний музейн захирал Д.Сүхбаатар, Хятад Улсын ӨМОЗО-ны талаас Өвөр Монголын музейн захирал доктор, проф Чень Ён Жи, Өвөр Монголын Соёлын өв, археологийн хүрээлэнгийн орлогч захирал Жан Хүн Шин тэргүүтэй хүмүүс оролцлоо. Үзэсгэлэн өнөөдрөөс эхлэн 09 дүгээр сарын 06-ныг дуустал Монголын Үндэсний музейн үзэсгэлэнгийн танхимд иргэд, олон нийтэд үнэ төлбөргүй хүрнэ.
