ОХУ-ын Ерөнхийлөгч Владимир Путины өөрийн хөлөглөдөг “Ил-96” агаарын номер нэг хөлгөөрөө өчигдөр орой Монгол Улсад газардсан юм.

Түүний хөлөглөдөг агаарын хөлөг нь нүсэр том ч харсан хүн бүхний харааг татна. Дотор тал нь орд харш шиг тансаг юм.



“Ил-96” агаарын хөлөг №1 нь 500 сая орчим ам.доллараар бүтээгдсэн ба тансаг тавилгуудаас гадна холбоо, электроникийн орчин цагийн бүх төхөөрөмжүүдээр бүрэн тоноглогдсон байна.

В.В.Путины агаарын хөлгийн интерьерын тавилгуудын ихэнх нь  алтадсан байдаг. Ариун цэврийн өрөөний тосгуурын таг, угаалтуур нь хүртэл мөн л алтан чимэглэлтэй билээ.

В.В.Путины онгоц дахь хурал, зөвлөгөөний өрөөний арьсан буйдан сандлууд нь бүгд аюулгүйн бүстэй.

Унтлагын өрөө нь онгоц шигээ орон зай ихтэй харагдана. Ерөнхийлөгчийн агаарын хөлөг нь ердийн зорчигч тээврийн онгоцыг бодвол уртасгасан их биетэй. Ерөнхийлөгчийн онгоцны урт нь 65 метр, далавчийн дэлгэлт нь 65 метр, нислэгийн дээд өндөр нь 12000 метр, дээд хурд нь 900 км/цаг. Буулгүй 13.000км нисэх чадалтай.

Ерөнхийлөгчийн онгоцыг холбооны орчин цагийн төхөөрөмжөөр тоноглосон ба шаардлагатай үед онгоц цэргийн командлалын бүрэн ажиллагаатай төв болох юм.

Воронежийн нисэхийн үйлдвэрт бүтээсэн энэхүү онгоцыг радарт баригдахыг бууруулсан тусгай бүрхүүлээр бүржээ.
Мөн онгоцонд радио саад тавих төхөөрөмжтэй. Тэрбээр биеийн тамирийг эрхэмлэдэг учир онгоцонд биеийн тамирын жижиг танхимтай.

Онгоцны гал тогоонд рестораны түвшинд хоол бэлтгэх бүрэн боломжтой.



Ерөнхийлөгчийн онгоцыг хамгаалахад 68 хүртэл тооны сөнөөгч онгоцнууд ашиглагддаг гэнэ.

Оросын Ерөнхийлөгчийн мэдэлд дөрвөн ийм онгоц байдаг ба нислэгт дөрвүүлэнг нь бэлтгэх бөгөөд Ерөнхийлөгч нэгийг нь хөлөглөж, гурав нь халхавчийн үүрэг гүйцэтгэнэ.