Гадаад харилцааны сайд Д.Цогтбаатар төгөлдөр хуурч, төгөлдөр хуурын олон улсын тэмцээний шүүгч Сангидоржийн Саянцэцэгт Монгол Улсын Соёлын элчийн гэрчилгээг гардуулан өгчээ. Энэ тухай сайд өөрийн фэйсбүүк хуудаснаа “Москва, Софи, Мексик, Мадри­дын дуурийн театраас гадна сонгодог урлагийнхны дэлхийн мөрөөдлийн тавцан болсон алдарт Карнеги холлд уран бүтээлээ эгшиглүүлсэн анхны монгол уран бүтээлч юм. Энэ хүн манай урлагийг дэлхийд таниулан түгээсээр буйд талархаж байна” хэмээн бичжээ.