Төрийн соёрхолт Ч.Лхамсүрэнгийн "Хүрэн морь" найраглалаас сэдэвлэн жүжигчин, найруулагч МУСТА Г.Эрдэнэбилэг найруулсан “Хийморь” уран сайхны кино оны эхэнд нээлтээ хийсэн билээ. Нээлтийн үеэр найруулагч Г.Эрдэнэбилэг "Хүрэн морио олон улсын уралдаанд сойж байгаа. Та бүхэн минь сайн ташуурдаад өгөөрэй" гэж байв. Тэр цагаас хойш энэхүү бүтээл нь Герман улсын Олденбург олон улсын фестивальд шалгарч, шилдэг 7 номинацын нэг болох “SPIRIT OF CINEMA” хэмээх шагналыг хүртсэн юм. Тэгвэл одоо Оскарын кино наадамд "Шилдэг гадаад хэл дээрх кино" номинацад нэр дэвшихээр болсон байна.