Монгол Улсын Ерөнхийлөгч Х.Баттулга БНХАУ-д эгзэгтэй эрсдэлтэй цаг үеэр айлчилж , халдварт өвчнийг эрсдэл багатай давахыг хүсч 30 мянган хонь бэлэглэсэн. Энэхүү үйл явдлаар бахархаж баярласан Өвөрмонгол найрагч н.Эрдэнэ “Андын сэтгэл” нэртэй шүлэг зохиож нийтэлсэн байсан билээ.

Тэгвэл Ховд нутгийн нэгэн иргэн "Гучин мянган хонь" шүлэг бичжээ. Тэрхүү шүлгийг нь бүрэн эхээр нь хүргэе.

Гучин мянган хонь

Магтуулах гэж өгсөнгүй ээ

Малтай болохоороо өгсийм

Түүх болох гэж өгсөнгүй ээ

Түүхтэй ардын удам болохоороо өгсийм

Яриулах гэж өгсөнгүй ээ

Ядарч явахад нь өгсийм

Баярхах гэж өгсөнгүй ээ

Байгаагаасаа өгсийм

Онгирох гэж өгсөнгүй ээ

Ойлгосон болохоороо өгсийм

Зүгээр баярхаж өгсөнгүй ээ

Зүдэрч явахад нь өгсийм

Илүү харж өгсөнгүй ээ

Ихээр өрөвдөхдөө өгсийм

Эргэж хариу нэхэж өгсөнгүй ээ

Эрүүл энх болтугай гэж өгсийм

Хэн нэгнээр явуулсангүй ээ

Хэн гэдгийг нь дэлхий мэдэх биз

Жирийн хүнээр явуулсангүй ээ

Жинхэнэ Ерөнхийлөгчөө явууллаа

2020.02.29 Ховд хот