"Сүүлийн хоногт хийсэн коронавирусийн халдвар илрүүлэх шинжилгээний явцад 30 хүнд халдвар илэрсэн.
"Нэг хаалга-Нэг шинжилгээ" арга хэмжээний хүрээнд илэрсэн тохиолдлуудын ойрын хавьтал 16 хүнээс халдвар илэрсэн. Бусад тохиолдол нь ажиглан тусгаарлах байранд болон гэрээр тусгаарлагдаж байгаа халдварын батлагдсан тохиолдлуудын хавьтал болсон хүмүүсийн анхны, давтан шинжилгээгээр илэрлээ.
Сүүлийн 24 цагт 53 хүн эдгэрсэн.
Халдварын нийт тохиолдлын тоо 2,831 бүртгэгдсэнээс 2,150 буюу 76 хувь нь эдгэрсэн" гэлээ.
Одоогоор 666 хүн эмчлэгдэж буй бөгөөд биеийн байдлаар нь ангилбал:
- Маш хүнд 1,
- хүнд 6,
- хүндэвтэр 78,
- хөнгөн 580 хүн байгаа аж.
Дэлхий дахинд 6.2-6.5 сая хүн өдөрт коронавирусийн эсрэг вакцин хийлгэж байна. Англид насанд хүрсэн гурван хүн тутмын нэг нь вакцинд хамрагдсан байна. Өчигдөр шинээр нэг вакцин нэмэгдсэнээр нийт 6 вакцинийг дэлхийн улс орнууд ашиглаж байна.
Манай улс маргааш ОХУ-д бүтээсэн коронавирусийн эсрэг Спутник-V вакцины эхний ээлжийн 10000 тунг хүлээн авна.
