ЭМЯ-наас коронавируст халдварын нөхцөл байдлын талаар мэдээлэл хийж байна.
Өчигдөр улсын хэмжээнд 9,410 хүнд хийсэн коронавирусийн халдвар илрүүлэх шинжилгээний хийхэд 122 хүнээс халдвар илрэв. Ингэснээр Монгол Улсын хэмжээнд бүртгэгдсэн коронавируст халдварын нийт тохиолдол 4,082 боллоо. Завханы Шилүүстэй суманд 2, Төв аймгийн Зуунмод суманд 1, зөөвөрлөгдсөн нэг тохиолдол Нурсултан-Улаанбаатар чиглэлийн онгоцоор ирсэн. Нийт зөөвөрлөгдсөн тохиолдол 424 болж буй юм.
122 хүний 116 нь ойрын хавьтал бөгөөд 111 хүнд эхний шинжилгээгээр, 5 хүнд хоёр дахь шинжилгээгээр илэрсэн бол 5 хүний халдварын эх үүсвэрийг тогтоохоор ажиллаж байна. Дараах хороодод халдварын халдварын эх үүсвэрийг тогтоохоор ажиллаж байна. Үүнд:
- ХУД-ийн 20 дугаар хороо
- БГД-ийн 4, 16 дугаар хороо
Өнгөрсөн 24 цагийн хугацаанд 30 хүн эдгэрч эмнэлгээс гарсан бөгөөд нийт эдгэрсэн хүний тоо 3,031-д хүрээд байна.
Өнөөдрийн байдлаар нийт 973 хүн коронавируст халдварын улмаас эмнэлэгт хэвтэн эмчлүүлж буй.
Тэдгээр иргэдийн биеийн байдлыг үнэлбэл,
- Хөнгөн 900,
- Хүндэвтэр 65,
- Хүнд 6,
- Маш хүнд 2 хүн байгаа юм.
