ХСҮТ-ийнхэн хорт хавдартай өвчтөнүүдээ Пфайзер-Бионтех үйлдвэрийн КОМИРНЭТИ вакцинаар дархлаажуулах ажлын өнгөрсөн сарын 29-нөөс энэ сарын 12-ныг дуустал зохион байгуулсан билээ. Ингэхдээ нийт 5800 хүнд вакцины нэгдүгээр тунг хийснээр дархлаажуулалтын ажлын эхний шат амжилттай дууссан юм. Тэгвэл өнөөдрөөс хоёрдугаар тунг хийх ажил эхэлсэн байна.

Түүнчлэн вакцины эхний тунгаас хоцорсон хорт хавдартай өвчтөнүүдийг 4-р сарын 20-ноос 30-ны ажлын өдрүүдэд үдээс өмнөх цагуудад хавдрын эмчийн хяналтын карт болон цахим үнэмлэхтэйгээ ХСҮТ дээр ирж эхний вакцинаа хийлгэхийг уриалсан байна.