Дөрөвдүгээр сарын 27-ны өдөр нийслэлийн есөн дүүрэгт 50 мянга 750 иргэнийг вакцинжуулалтад хамруулахаар төлөвлөснийг НЗДТГ мэдээллээ.

Тухайлбал: “AstraZeneca”, “Vero Cell” вакцины давтан тун болон 45-аас дээш насны иргэдийн “Vero Cell” вакцины эхний тунг хийх юм байна. Дархлаажуулалтын ажлыг энэ сарын 23-наас эрчимжүүлээд байгаа юм.

Ням гарагийн байдлаар улсын хэмжээнд 707 мянга 838 хүн эхний тун вакцинаа хийлгэжээ. Энэ нь 18-аас дээш насны иргэдийн 35 хувьтай тэнцэх үзүүлэлт болж байгаа аж. Түүнчлэн хоёр дахь тунгийн вакцинжуулалтад 239 мянга 971 хүн хамрагдсан байна.

Үүнээс гадна зорилтот бүлгийн 12 хувийг бүрэн дархлаажуулаад байгааг Засгийн газар мэдээлэв.