Их Британийн Засгийн газар вакцины гурав дахь тунгийн туршилт эхлүүлэхээр болсноо мэдэгдээд байна.

Тухайлбал: вакцины хоёр дахь тунг хийлгээд хамгийн багадаа 10-12 долоо хоног болсон хүмүүст “Pfizer”, “BioNTech”, “AstraZeneca” зэрэг долоон төрлийн вакцины аль нэгийг хийж, аль нь өндөр дархлаа тогтоож байгааг судлах ажээ.

Туршилтад 30-аас дээш насны 3000 хүнийг оролцуулах юм байна. Оролцогчид анх хийлгэсэн вакцинаасаа өөр вакцин хийлгэж болох аж.

Вакцинжуулалтын явцыг харвал тус улс нийт хүн амынхаа бараг гуравны нэгийг бүрэн вакцинжуулаад байна.

Үүнээс гадна “Pfizer” компанийн гурав дахь тунгийн туршилтын үр дүн ойрын хоёр сарын хугацаанд гарах товтой байгааг тус компани мэдэгдлээ. “Pfizer”-ийн вакцины хоёр дахь тунгаа хийлгээд 8-12 сар өнгөрсөн хүмүүст гурав дахь тунг хийх боломжтой гэж үзээд байгаа юм.

Эх сурвалж: http://bloombergtv.mn/