Монгол Улсын Ерөнхийлөгч У.Хүрэлсүх ОХУ-ын Владивосток хотноо болж буй Дорнын эдийн засгийн чуулга уулзалтын нэгдсэн хуралдаанд цахимаар оролцож, үг хэлнэ.
Зургаа дахь удаагаа болж буй энэхүү уулзалт энэ онд холимог хэлбэрээр зохион байгуулагдаж байгаа тул зарим зочид цахимаар оролцож байна. Чуулга уулзалт "Өөрчлөгдөж буй ертөнцөд алс Дорнодын шинэ боломжууд" сэдвийн дор явагдаж байгаа юм.
Чуулга уулзалтаар эрчим хүч, хөдөө аж ахуй, мод боловсруулах үйлдвэр, аялал жуулчлалын чиглэлээр хамтарсан төсөл хэрэгжүүлэх хэтийн төлөвийн талаар мөн хэлэлцэх ажээ.
Дорнын эдийн засгийн чуулга уулзалт хамгийн сүүлд хоёр жилийн өмнө зохион байгуулагдсан юм.
COVID-19 цар тахлын нөхцөл байдлын улмаас өнгөрсөн онд цуцлагдсан чуулган энэ сарын дөрвөний өдөр хүртэл үргэлжилнэ.
