Монгол Улсын Ерөнхийлөгч У.Хүрэлсүх ШХАБ-ын гишүүн орнуудын Төрийн тэргүүн нарын өргөтгөсөн хуралдаанд цахимаар оролцох үедээ "Монгол Улс Ази, Европыг холбосон газар зүйн байршлын давуу талаа ашиглан худалдаа, тээвэр логистикийн сүлжээ, ачаа тээврийн урсгал, үйлчилгээний зангилаа болсон “Транзит Монгол Улс” болох зорилт"-оо дахин танилцуулсан байна.
Үүнээс гадна УИХ-ын дарга Г.Занданшатар АНУ-д айлчлах үедээ Стэнфордын их сургуульд илтгэл тавьж, “Apple” компанитай хамтын ажиллагааны яриа хэлэлцээ өрнүүлжээ. Монгол Улс хүүхэд, залуустаа дэлхийн түвшний боловсрол олгоход онцгойлон анхаарч, “Apple” компанитай хамтран ажиллах сонирхолтой байгаагаа илэрхийлсэн байна.
Мөн тус компанийн нийлүүлэлтийн сүлжээний түншүүдтэй олборлох үйлдвэрлэлийн салбарт хамтрах боломж байгааг дурджээ.
