Сүүлийн 24 цагийн хугацаанд улсын хэмжээнд нийт 1231 хүнээс халдвар илэрсэн ба үүний 739 нь Улаанбаатарт, 492 нь орон нутагт бүртгэгджээ.

Түүнчлэн 41-ээс дээш насны 11 хүн нас барж, нийт нас баралт 1604 боллоо. Эдгээр хүмүүсийн архаг хууч өвчин нь ковидтой хавсарсан байна гэж ЭМЯ-наас мэдээллээ.

Хэвтэн эмчлүүлж буй 17806 хүнээс 3182 нь хүүхэд, 1153 нь жирэмсэн эх байна. Мөн гэрийн хяналтад 44 мянга гаруй хүн байгаа юм. 

Нийт хүн амын 65.7 хувь нь буюу 2,138,243 иргэн вакцины хоёрдугаар тундаа хамрагдсан бол гуравдугаар тунгаа 389.411 хүн хийлгэжээ.