Засгийн газрын өнөөдрийн хуралдаанаар омикрон хувилбараас сэргийлэх зорилгоор вакцины III тунд хамрагдаад 3 сар болсон хариу арга хэмжээний баг, иргэдийг IV тунд сайн дурын үндсэн дээр хамруулах ажлыг зохион байгуулах үүргийг Ерөнхий сайд Эрүүл мэндийн сайдад өгсөн байна.  

IV тунд хэрхэн хамрагдах, ямар зохион байгуулалттай ажиллах талаарх дэлгэрэнгүй мэдээллийг ЭМЯ өгөхөөр болсон байна.

Харин энэ талаар Эрүүл мэндийн сайд С.Энхболд "Вакцины 3 дахь тунд зорилтот бүлгийг 48.2 хувь нь хамрагдаад байна. Гурав дахь тунг хийлгэсний дараах судалгааны урьдчилсан дүнгээр 2-3 сарын дараагаас титрийн хэмжээ буурч байгаа үзүүлэлт гарсан. Хоёр тун Астразеника, нэг тун Файзер хийлгэсэн хүний титр 4.5 сарын дараа 60 хувьд хүрсэн байна. Эхний сард 500-д хүрсэн байсан. Сар сараар буурсаар 50 дээр очсон. Тиймээс ДӨРӨВ дэх тунг сайн дурын үндсэн дээр хийх шийдвэр гаргахаар тушаалын төслийг бэлдэж байна" гэлээ.