Дэлхийн олон оронд нялхас, бага насны хүүхдийн эндэгдлийн тэргүүлэх шалтгаанд төрөлхийн хөгжлийн гажиг ордог. Дэлхий дээр жил бүр 8 сая орчим хүүхэд хүнд хэлбэрийн төрөлхийн хөгжлийн гажигтай төрдөг бөгөөд эдгээр төрөлхийн хөгжлийн гажгийн 50% нь төрөх үедээ, дөнгөж төрсний дараа оношлогддог бол үлдсэн 50% нь амьдралын эхний 1 жилийн дотор оношлогддог байна.

Эрүүл мэндийн даатгалын сангаас бүх төрлийн төрөлхийн гажиг засах мэс заслын тусламж, үйлчилгээний зардлыг 100 хувь бүрэн хариуцан ажиллаж байна. Тухайлбал, зүрхний болон гол судасны төрөлхийн гажиг, уруул, тагнайн сэтэрхий, нүд, хүзүүний болон сонсголын зэрэг бүх төрлийн төрөлхийн гажиг засах мэс заслын зардлыг Эрүүл мэндийн даатгалын сангаас хариуцан бяцхан үрсийн гэр бүл, хайртай дотны хүмүүсийг эрүүл мэндээс үүдэлтэй санхүүгийн эрсдэлээс хамгаалж байна.

Эх сурвалж:ЭМДЕГ