Монгол Улсын хэмжээнд коронавируст халдварын эсрэг таван нэр төрлийн (Пфайзер/БиоНТеx, АстраЗенека Vaxzevria, Спутник-V, Синофарм CorV, Серум институт Ковишилд) 8,397,550 тун вакцин хүлээн авч аймаг, дүүрэгт түгээж зорилтот бүлгийн хүн амыг вакцинжуулах ажлыг зохион байгуулж байгаа гэдэг мэдээллийг С.Энхболд сайд мэдээллээ.

Улсын хэмжээнд 2022 оны 10 дугаар сарын 31-ний өдрийн байдлаар Ковид19 халдварын эсрэг вакцины зорилтот бүлгийн I тунгийн хамралт 89.6 хувь, II тунгийн хамралт  85.7 хувь, III тунгийн хамралт 53,7 хувь, IV тунгийн хамралт 4.2 хувь байгаа аж. Түүнчлэн хугацаа нь дууссан вакцинууд байгаа гэдгийг холбогдох сайд хэлээд, тэдгээрийг холбогдох журмаар устгалд оруулна гэв.