Үндсэн хуулийн нэмэлт өөрчлөлтөөр гишүүдийн тоог 152 болгож ирэх 2024 оны сонгуульд оролцохоор болсон билээ. Энэ асуудлыг УИХ-ын чуулганаар хэлэлцсэн бөгөөд өнөөдрөөс эхэлж УИХ-ын гишүүд тойрогтоо ажиллаж, ҮХНӨ-ийн агуулга болон 152 гишүүний талаарх мэдээ мэдээллийг өгч, ажлаа сурталчилж эхэлсэн байгаа.
Тэгвэл ард иргэдийн зүгээс гишүүдийн тоог 152 болгохыг эсэргүүцэж, эхнээсээ төв талбайд өлсгөлөн зарлаж эхэлжээ. Тэрбээр өөрийгөө дөнгөлсөн байгаа бөгөөд тэмцлийн хурц хэлбэрийг сонгоно гэдгээ илэрхийллээ.
Тодруулбал, иргэн С.Мишиг "УИХ-ын гишүүдийг 152 болгохыг анхнаасаа эсэргүүцсэн. Гэтэл Т.Доржханд, Д.Амарбаясгалан хоёр хэтэрхий хүч түрээд өөрчлөлт хийхээр болчихлоо. Тиймээс энэхүү өлсгөлөнг зарлаж байна. Бидний хүсэл шаардлага гэвэл Г.Занданшатар, Я.Содбаатар, Д.Амарбаясгалан гуравтай уулзах. Гэвч биднийг хүлээж авч уулзахгүй байна.
Хүний эрх зөрчигдөж байна. Ард иргэдийнхээ санал бодлыг авах байсан. Гэвч хүлээж аваагүй. Энэ гурван хүнтэй уулзаж байж өлсгөлөнгөө зогсооно. Өнөөдрөөс эхэлж ийнхүү өлсгөлөн зарласан байгаа шүү" гэлээ.
