ДЭМБ-ын мэдээллээр цар тахал эхэлснээс хойш 765 сая тохиолдол батлагдаж, 6.9 сая хүн амь насаа алджээ. 2023 он гарснаас хойш дэлхий нийтэд коронавирусийн тохиолдол тогтвортой буурч байна. Гэсэн ч зарим улс орнуудад өвчлөл өндөр бүртгэгдэж байгаа бөгөөд АНУ, Солонгос, Япон, Бразил, Энэтхэг, ОХУ зэрэг орнуудад долоо хоногт 30-80 мянга орчим тохиолдол бүртгэгджээ.
Мөн дэлхий нийтэд омикроны дэд хувилбар 40-50 хувийн тархалттай байна. Манай улсын хувьд 18 дахь долоо хоногт нийт 205 шинэ тохиолдол бүртгэгдсэн нь өмнөх долоо хоногтой харьцуулахад өссөн байна.
Омикроны дэд хувилбар нь хүнээс хүнд халдварлах байдал нь өндөр хэвээрээ, эмнэлзүйн хувьд хүндрэл багатай ч ахмадууд халдвар авсан тохиолдолд хүндрэх эрсдэлтэй. Тиймээс олон хүн цугласан газар амны хаалт зүүж, хүн хоорондын зай барихыг анхааруулж байна.
