Словакийн Ерөнхий сайд Роберт Фико нийслэл Братислав хотын ойролцоох жижиг хотод иргэдтэй уулзах үеэрээ халдлагад өртөж эмнэлэгт хүргэгджээ. Батлан хамгаалахын сайд Роберт Калинакын хэлснээр Ерөнхий сайд гурван цаг гаруй үргэлжилсэн хагалгаанд орсон ч биеийн байдал нь тааруу байна.
Хэргийн газрын дүрс бичлэгийг үзэхэд, хамгаалалтын ажилтнууд Ерөнхий сайдыг машинд суулгахын өмнө нэгэн этгээд түүн рүү таван удаа бууджээ. Эхний сум Роберт Фицогийн хэвлий тус газар туссан бол дараагийн сум хэвлийгээс дамжин аарцгийн ясыг нь нэвт гарчээ. Гурав дахь сум нь түүний мөрийг оносон байна.
Ерөнхий сайдыг нисдэг тэргээр ойролцоох эмнэлэгт хүргэж, улмаар Банска Бистрица хотын эмнэлэгт хүргэж мэс засал хийсэн юм.
Нийслэл Братиславаас 180 км зайд орших Хандлова хотод засгийн газрын хуралдаан болсны дараа Ерөнхий сайд Роберт Фико хүмүүстэй мэндчилж байх үед халдлага болжээ.
Халдлага үйлдсэн этгээд нь Левиц хотын иргэн 71 настай Юрай.К гэгч эрэгтэй байсан гэж хэвлэлүүд мэдээлж байна.
