Билгийн

Доллар (USD)

Улаанбаатар

Бутаны Цог Жавхлант Хаан Далайд гарцгүй хөгжиж буй орнуудын олон улсын судалгааны төвийн үйл ажиллагаатай танилцав Цаг агаарын аюултай үзэгдлээс сэрэмжлүүлж байна! Шинэ Засгийн газар Ерөнхий сайд, 22 сайд, 16 яамтай ажиллахаар Засгийн газрын бүтэц, бүрэлдэхүүнийг тодорхойлжээ УИХ-ын гишүүн С.Ганбаатарыг Аж үйлдвэржилтийн бодлогын байнгын хорооны даргаар сонгохыг дэмжив БНСУ-ын авто зам барих, засварлах туршлагыг Монгол Улсад нэвтрүүлнэ Ерөнхий сайд Л.Оюун-Эрдэнэ Засгийн газрын бүтэц болон бүрэлдэхүүний тухай хуулийн төслийг УИХ-ын дарга Д.Амарбаясгаланд өргөн барилаа Үндэсний шагайн харвааны насанд хүрэгчдийн багийн харвааны хэсгийн тоглолт өнөөдөр болно "Дээлтэй Монгол-2024" наадам өнөөдөр болно ЦАГ АГААР: Улаанбаатарт өдөртөө 30 хэм дулаан Сонсголонгийн уулзвараас баруун аймгууд руу салдаг уулзвар хүртэлх 9.5 км замыг шинэчиллээ
Үерт хохирсон иргэдэд туслах боломжгүй гэв

Үерт хохирсон иргэдэд туслах боломжгүй гэв

Улаанбаатар хотноо өнгөрсөн жилийн долоо, наймдугаар сард орсон борооны улмаас Сэлбэ гол дагуух нийтийн эзэмшлийн орон сууцанд бизнес эрхэлдэг байсан 30 орчим иргэн, аж ахуйн нэгж усанд автаж, их хэмжээний хохирол хүлээсэн юм.  Тэдгээр иргэн, аж ахуйн нэгж өнгөрсөн 10 сарын хугацаанд төрийн холбогдох байгууллагуудад хандсан ч тусыг эс олжээ. Зарим иргэн 200-гаад сая төгрөгийн хохирол хүлээсэн бол зарим иргэн нь 70 сая орчим төгрөгийн хохирол ч хүлээсэн. Банк бус санхүүгийн байгууллагаас зээл аван бизнесээ хөдөлгөж байсан тул одоо зээлээ төлөх ч боломжгүй. Хэрэв татварын хөнгөлөлт эдлүүлэх, бага хүүтэй зээл олгох зэргээр дэмжлэг үзүүлбэл зээлээ төлөх боломжтой болно гэж үзэж байгаа юм.

Эл асуудлаар өнгөрсөн хугацаанд Улаанбаатар хотын захирагч Х.Нямбаатарт хандсан ч нааштай хариу хүлээж аваагүй байна. Уг нь тэд хохирлоо барагдуулна гэхээс илүү татварын хөнгөлөлт үзүүлэх, хөнгөлөлттэй зээлд хамруулах боломжийг олгох хүсэлт тавьжээ.

Улаанбаатар хотын захирагч Х.Нямбаатарын тайлбараар бол дээрх аж ахуй нэгжүүд нийслэлд хандахаасаа илүүтэй холбогдох захиргааны байгууллагад хандах, шүүхийн шийдвэр гаргуулах ёстой. Шүүхийн болон захиргааны шийдвэргүй байхад иргэдийн хохирлыг барагдуулбал албан тушаалаа хэтрүүлсэн болно гэж займчуулав.

Зудад малаа алдсан малчдад жилийн зургаан хувийн хүүтэй зээл олгож, зөрүү 17 орчим хувийн хүүг татвар төлөгчдийн мөнгөнөөс барагдуулахаар болсон. Мөн малчны зээлийн хүүгийнх нь төлбөр болох 200 гаруй тэрбумыг төрөөс даах зэрэг зохицуулалт хийж болсон ч ялгаагүй л байгалийн гамшгийн улмаас бизнесгүй болж, өр ширээ хэрхэн барагдуулах учраа олохгүй яваа иргэддээ төр нь адилхан зарчмаар хандахад юу нь болдоггүй юм бол доо.

МАН малчид, ядарсан бизнес эрхлэгч хоёртоо арай л ялгавартай хандаад байна даа. Аяганы алгаас адууны алаг нь дээр гэж үг бийг санаарай хотын дарга аа.

0 Сэтгэгдэл
Хамгийн их уншсан