Завханы төр, хувийн хэвшлийн байгууллагуудын дэргэдэх эцэг эхийн зөвлөл анхны чуулганаа зохион байгуулж, хүүхэд хамгааллын бодлого боловсруулан ажиллаж эхэллээ.

Завхан аймгийн хэмжээнд нийт 129 төр, хувийн хэвшлийн аж ахуйн нэгж байгууллага дэргэдээ эцэг эхийн зөвлөл ажиллуулдаг.

Аймгийн хэмжээнд 115 байгууллага хүүхэд хамгааллын бодлогоо боловсруулан батлуулж, 16 байгууллага хүүхдийн өрөөг тохижуулжээ.

Өнгөрсөн амралтын өдөр төр, хувийн хэвшлийн аж ахуйн нэгж, байгууллагуудын ”Эцэг эхийн зөвлөл”-ийн үйл ажиллагааг идэвхжүүлэх зорилготой аймгийн анхдугаар зөвлөгөөнийг зохион байгууллаа.

Энэ үеэр байгууллагууд ажилтнуудын нийгмийн асуудлыг шийдвэрлэх чиглэлээр зохион байгуулж буй үйл ажиллагааг хүүхэд, гэр бүлд ээлтэй болгох. Шилдэг эцэг эхийн зөвлөлүүдийн сайн туршлагыг түгээн дэлгэрүүлэх, туршлага судлах. Хүүхэд хамгааллын бодлогын хэрэгжилтийг нэмэгдүүлэх зорилготой зөвлөлдлөө. Зөвлөгөөнийг аймгийн Засаг даргын Тамгын газар, Хүүхэд, гэр бүлийн хөгжил хамгааллын газар хамтран зохион байгуулсан юм.

Зөвлөгөөнд аймгийн 24 сумын төр, хувийн хэвшлийн аж ахуйн нэгж, байгууллагуудын дэргэдэх 129 эцэг эхийн зөвлөлийн 180 гаруй төлөөлөгч оролцлоо.

Байгууллагуудын дэргэдэх эцэг эхийн зөвлөлийн дарга, нарийн бичиг, гишүүд оролцож Монгол Улсын гавьяат багш, Хүүхэд, гэр бүл судлаач, доктор, дэд профессор Х.Баавгай байгууллагын дэргэдэх эцэг эхийн зөвлөл, хүүхэд хамгааллын бодлого, хүүхдийн хүмүүжил төлөвшилд эцэг эхийн үүрэг, оролцоо яагаад чухал болох талаар илтгэл тавьж, эцэг эхчүүдтэй зөвлөлдөн, харилцан санал солилцсон байна. Мөн үеэр шилдэг эцэг эхийн зөвлөлүүд сайн туршлагаасаа хуваалцсан нь онцлогтой байв гэж Завхан аймгийн Хүүхэд, гэр бүлийн хөгжил хамгааллын газраас мэдээлэв. 

Шилдэг эцэг эхийн зөвлөлүүдийн танилцуулга, зурагт тайлан