Өмнөд Солонгосын авилгатай тэмцэх газар өнгөрсөн 7 хоногт ерөнхийлөгчийн тусгай хамгаалалтынхантай зөрчилдсөний улмаас бүрэн эрхийг нь түтгэлзүүлсэн ерөнхийлөгчөө баривчлах ажиллагааг хойшлуулсан. Шүүхээс гаргасан баривчлах зөвшөөрлийн хугацаа даваа гарагт дуусгавар болох учир тус улсын авилгатай тэмцэх газар ерөнхийлөгчийг баривчлах ажиллагааг зохион байгуулахыг цагдаагийн газраас хүссэн албан бичгийг ням гарагийн орой явуулсан байна. Харин даваа гарагийн үдээс хойш Өмнөд Солонгосын цагдаагийн газар уг хүсэлт хуулийн маргаан үүсгэхээр байгаа учраас хүсэлтийг хүлээж авахгүй гэдгээ мэдэгдсэн байна.Өмнөд Солонгосын авилгатай тэмцэх газрын орлогч дарга эрүүгийн байцаан шийтгэх хуулийн дагуу цагдан хорих тушаалыг прокурорын удирдлаган дор цагдаа гүйцэтгэх ёстой гэсэн байр суурь илэрхийлсэн. Харин цагдаагийн байгууллага нь Дотоод хууль эрх зүйн шалгалтын дараа Авилгатай тэмцэх газрын гүйцэтгэх ажиллагаа явуухах тухай албан бичиг нь хуулийн маргаан үүсгэсэн болохыг тогтоосон. Цагдан хорих тогтоолын хэрэгжилтийн талаар бид Авилгатай тэмцэх газартай үргэлжлүүлэн зөвлөлдөх болно гэж мэдэгджээ. Харин нэрээ нууцласан цагдаагийн өөр албан тушаалтаны мэдэгдснээр хоёр агентлагийн удирдлага өнөө өглөө утсаар ярьж, Батлан хамгаалах яамны мөрдөн байцаах албаныхныг оролцуулсан хамтарсан мөрдөн байцаалтын багийг ажиллуулахаар тохиролцсон байна.Энэ нь цагдан хорих, мөрдөн байцаалтын ажиллагаа явуулахдаа хамтарсан мөрдөн байцаах штабын хүрээнд буюу Тагнуулын ерөнхий газар болон бусад холбогдох газартай зөвшилцөн явуулна гэсэн үг юм байна. Өнгөрсөн 7 хоногийн сүүлээр Өмнөд Солонгосын авилгатай тэмцэх газар Бүрэн эрхээ хасуулсан ерөнхийлөгч Юн сок Ёлыг өргөөнөөс нь саатуулах гэж оролдсон боловч ерөнхийлөгчийн тусгай хамгаалалтынхантай хэдэн цаг маргасны эцэст шүүхийн захирамжийг хойшлуулахаар болсон. Ерөнхийлөгч Юн сок Ёл 12-р сарын 3-нд батлагдаад хэдхэн цагийн дараа цуцлагдсан цэргийн дэглэм тогтоох тухай шийдвэрийнх нь төлөө тулгаж байгаа бослого дэгдээсэн хэргийг шалгах техникийн эрх авилгатай тэцмэх газарт байхгүй гэж үзэж, тус газрын мөрдөн байцаалтанд дуудах, баривчлах тушаалыг биелүүлэхээс татгалзаж байгаа юм.
