Том Крузтэй амьдарч байхдаа нисдэг тэрэг, хувийн жолоочтой тансаг машин хөлөглөдөг байсан жүжигчин Кэти Холмес эгэл ардын амьдралдаа эргэн иржээ. Тэрээр метрогоор зорчдог оддын тоог нэгээр нэмэв. Нью-Йоркийн метрогоор зорчиж явсан нүүрэндээ будаг түрхээгүй, том нүдний шилээр нүүрээ халхалж, даруухан хувцасласан Кэти Холмесыг хэн ч Том Крузын экс эхнэр гэж танихааргүй байв.
Сүүлийн хэдэн долоо хоногт метронд сууж, хэвлэлийн хуудсаар гарсан одод цөөнгүй бий. Тухайлбал, рэппер Жэй Зи, дуучин Рианна, жүжигчин Жессика Альба нарын метрогоор явсан зураг олны анхаарал татсан юм. Тэгвэл энэ удаа оддын метронд суудаг моодыг улам дэлгэрүүллээ.