УИХ-ын гишүүн асан Ц.Цэрэнпунцагийн хүү Ц.Санжаачойпэлийг 30 хоног хорих хугацаанаас нь өмнө суллажээ.Тодруулбал, шүүхээс түүнийг 30 хоног цагдан хорих шийдвэр гаргасан ч Ц.Санжаачойпэл нь эмнэлгийн тусламж авах шаардлагатай гэж үзсэн тул энэ сарын 8-нд шүүгчийн захирамжаар суллажээ. Тэрбээр суллагдах өдөр хүртлээ нийт 16 хоног хоригдоод байсан юм. Өдгөө гадуур шалгаж байгаа бөгөөд Монгол Улсын хилээр гарах хориг нь хэвээр байгаа аж.
Хэргийг эргэн сануулахад, Эрдэнэбатын Тэмүүлэн, Цэрэнпунцагийн Санжаачойпэл нарыг “2025 оны 7 сарын 18-19-нд шилжих шөнө Сүхбаатар дүүргийн 3 дугаар хорооны нутаг дэвсгэрт үйл ажиллагаа явуулдаг “Канте” шөнийн цэнгээний газрын гадаа талбайд хохирогч Д.С-ын нүүрэн тус газарт нь гараараа цохих, хөлөөрөө өшиглөх зэргээр биед нь бүлэглэн халдаж эрүүл мэндэд нь хохирол учруулсан” гэх хэргээр мөрдөн шалгах ажиллагааг явуулж явуулж, хэргийг шүүхэд шилжүүлсэн байдаг. Хохирогчийн биеийн байдал хүнд, нүднийх нь цаад аяганы яс хугарсан гэх мэдээллийг хохирогчийн аав өгсөн байдаг бмлээ.
