СОР17 бага хурлын“Санхүүжилтийн өдөр”-өөр “Business4Land: Риогийн гурван конвенцын хүрээнд газрын санхүүжилтийн зөрүүг нөхөх нь” сэдэвт бизнесийн форум болж байна.
Business 4 Land нь газрыг нөхөн сэргээхэд хувийн хэвшлийн хөрөнгө оруулалтыг нэмэгдүүлэх, түнш болгон оролцуулах зорилготой юм.Энэхүү форумыг БОУАӨ-ийн дэд сайд Б.Мөнхтамир нээж хэлсэн үгэндээ “Монгол Улс газрын доройтол, цөлжилт, уур амьсгалын өөрчлөлт, биологийн олон янз байдлын алдагдлыг шийдвэрлэхэд хувийн хэвшил, санхүүгийн байгууллагын оролцоо, хөрөнгө оруулалтыг нэмэгдүүлэх шаардлагатай. Иймээс Business 4 Land-ийг төр, бизнес, санхүүгийн байгууллагуудыг холбон, бодлогын санаачилгыг бодит хөрөнгө оруулалт болгон хэрэгжүүлэх гүүр хэмээн тодорхойлж, “Риогийн гурван конвенц”-ын эрчийг газар дээрх бодит хөрөнгө оруулалт, хэмжигдэхүйц үр дүнд хүргэх нь чухал” хэмээн онцоллоо.Мөн манай улсын хувьд энэхүү чиглэл нь COP17-ын бодлогын өв болох “Тал хээрийн төлөвлөгөө” буюу Steppe Action Agenda-тэй нягт уялдаж байгаа ба олон улсын амлалтыг уялдаа холбоотой, бодит хэрэгжихүйц үйл ажиллагаанд шилжүүлэхийг зорьж байгаа бөгөөд бусад улс орон, санхүүгийн байгууллага, бизнесийн салбар болон хөгжлийн түншүүдтэй хамтран ажиллахад бэлэн байгаагаа илэрхийлэв.Түүнчлэн энэ жил “Риогийн гурван конвенц” тохиож буй бөгөөд, газар, уур амьсгал, биологийн олон янз байдлын асуудлаар хэрэгжүүлэх бодлого, тэргүүлэх чиглэл болон санхүүжилтийг харилцан уялдуулах боломж бүрдээд буй юм.Газрын асуудлыг шийдвэрлэхэд санхүүжилт гол байр суурь эзлэх бөгөөд уламжлалт санхүүжилтийн эх үүсвэрээс гадна инновацлаг санхүүгийн хэрэгсэл, хосолсон санхүүжилт, баталгаа, эрсдэлийг хуваалцах механизм, төр-хувийн хэвшлийн түншлэлийг өргөнөөр ашиглан хөрөнгө оруулалтыг нэмэгдүүлэх шаардлагатай.
Монголын байгалийн ландшафт, бэлчээрийн экосистем нь ирээдүйн хөгжлийн чухал үндэс төдийгүй тогтвортой хөрөнгө оруулалт, шинэ түншлэлийн томоохон боломж юм.See less
