СОР17 | DAY8
ТӨРИЙН НАРИЙН БИЧГИЙН ДАРГА Ш.БАТБАЯР:Хог хаягдлын асуудлыг зөвхөн цуглуулж, төвлөрсөн цэгт хүргэх байдлаар бус, хог үүсэхээс нь эхлэн бууруулах, дахин ашиглах боломжтой зүйлсийг эдийн засгийн эргэлтэд оруулах, дахин боловсруулах тогтолцоог хөгжүүлэх нь чухал юм.
НҮБ-ын Цөлжилттэй тэмцэх конвенцын Талуудын 17 дугаар бага хурлын Ногоон бүсэд Базелийн конвенцын Ази, Номхон далайн бүсийн төв болон Стокгольмын конвенцын Ази, Номхон далайн бүсийн чадавх бэхжүүлэх, технологи дамжуулах төвийн павильонтой БОУАӨЯ-ны Төрийн нарийн бичгийн дарга Ш.Батбаяр болон албаны бусад хүмүүс танилцлаа.Тус төв нь аюултай болон бусад төрлийн хог хаягдлын байгаль орчинд ээлтэй менежмент, хуванцар болон цахим хог хаягдлыг бууруулах, химийн бодисын зохистой хэрэглээ, дахин боловсруулалт, технологи дамжуулах чиглэлээр бүс нутгийн орнуудтай хамтран ажилладаг.Мөн хот, орон нутгийн хог хаягдлыг эх үүсвэр дээр нь бууруулах, ангилан ялгах, дахин ашиглах, дахин боловсруулах сайн туршлагыг түгээх зорилготой “Хог хаягдалгүй хотуудын олон улсын сүлжээ” санаачилгыг хэрэгжүүлж байна.Энэхүү сүлжээнд Монгол Улсын хот, орон нутгууд ч нэгдэн орж, бусад орны хотуудтай туршлага солилцон ажиллаж байгаа нь онцлог байлаа. Тухайлбал Эрдэнэт хот болон Завхан аймаг тус санаачилгын хүрээнд хамтран ажиллаж байна.
United Nations Convention to Combat Desertification See less
