Өнөөгийн индонезийн иргэд ислам болон христийн шашныг шүтдэг. Гэхдээ яг амьдрал дээр тэд олон зууны тэртээх шигээ  өөрийн уламжлалт итгэл үнэмшлээ дагаж мөрдөх нь элбэг. Индонезийн Өмнөд Сулавеси мужийн Тоража тосгоны иргэд эрт үеэс уламжлагдаж ирсэн нэг заншлаа өнөө ч мөрдөж ирсэн нь талийгаач нар гэр бүлийн гишүүн хэвээр байх явдал. Соёлт хүн төрөлхтөн оролцох нь бүү хэл сонсоход ч жихүүцмээр энэ ёслол, заншлаар бол талийгаач нараа гурван жилд нэг удаа гаргаж хувцасыг нь сольдог байна. Тосгоны хэн нэгнийх нь нас барсан төрөл төрөгсдийнхөө хувцасыг солих энэ ёслолд тосгоноороо идэвхтэй оролцдог байна.  Хатаж, өгөршсөн биеийг нь авснаас нь гаргаж хувцасыг нь сольж өмсгөөд тосгоны гудамжаар авч яван “хамтдаа зугаалдаг” байна. Ингэснээрээ талийгаач нь гэр бүлийнхэнтэйгээ байнга хамт, дэргэд нь байж, нас барахаасаа өмнө тэднийгээ хайрладаг байсан шигээ хайрлаж байгаа гэдгийг илэрхийлдэг гэнэ. Харин 100 гаас дээш жилийн өмнө нас барсан бол ийм ёслол үйлддэггүй байна.