Долдугаар сарын 1-ний хэргээр ял сонссон ЦЕГ-ын даргын үүрэг гүйцэтгэгч асан Ч.Амарболд, НЦГ-ын дарга асан О.Зоригт, тус газрын Хэв журмын хэлтсийн дарга асан Г.Ганбаатар, ЭХГ-ын дарга асан Ш.Батсүх нарын өмгөөлөгчид Улсын Дээд шүүхэд гомдол гаргасан. Тус шүүх тэдний гомдлыг нөгөөдөр хэлэлцэхээр товложээ.
Ч.Амарболд, Ш.Батсүх, О.Зоригт нар анхан шатны шүүхээс оноосон гурван жил зургаан сарын ялаа эдэлж байгаа. Харин Г.Ганбаатар хоёр жил хорих ял сонссон боловч өршөөгдсөн.
Цагдаагийн экс дарга нар анхан шатны шүүх хууль бус шийдвэр гаргалаа гэж давж заалдах шатны шүүхэд хандсан боловч ялын тогтоолд өөрчлөлт оруулаагүй. Тиймээс өмгөөлөгчдөөрөө дамжуулж, хяналтын шатны шүүхэд гомдол гаргасан байна.