Амьд барби хэмээн интернэтээр шуугиан дэгдээгээд байгаа Валерия Лукьяноватой ижилхэн өөрийгөө яг л хүүхэлдэй шиг болгосон бас нэг бүсгүй гарч иржээ. Доминика буюу жинхэнэ нэр нь Ольга Оленик хэмээх энэ бүсгүй мөн л Украины Одесс хотоос гаралтай нэгэн гэнэ. Тэрээр мэс заслын тусламжтайгаараа өөрийн дүр төрхийг барби шиг болгон өөрчилсөн бөгөөд таван жилийн өмнөөс Валериятай интернэтээр танилцжээ.
Тэд яг ижилхэн үсний засалттай, адилхан нүүрээ буддаг, хувцаслалт ч төстэй болохоор хүмүүс тэднийг ихэр юм уу төрсөн эгч дүүс гэж андуурдаг гэнэ.  Амьдаараа барби болсон хоёр бүсгүй  оюун ухаан, онгод хийморийн талаар нэг тасалбар нь 50 фунтийн үнэтэй лекц уншдаг гэнэ. Мэдээж энэ лекцэнд тухайн сэдвийг сонирхсон гэхээс илүүтэй тэднийг харах гэж сониучирхсан хүмүүс ирж суудаг аж. 

Ихэр барби тун удахгүй Америкийг зорих гэж байгаа гэнэ. Учир нь Доминикагийн найз залуу нь Америкт амьдардаг, Валериягийн нөхөр ч тэнд бизнесээ эхлүүлэх төлөвлөгөөтэй байгаа гэнэ.