Нийслэлийн Засаг дарга Э.Бат-Үүл “Би барилгынхныг адлаад байгаа юм биш шүү. Барилгын салбарынхан тэртэй, тэргүй томоохон бүтээн байгуулалт хийж байгаа хүмүүс учраас тэднийг дэмжиж ажиллана. Хууль дүрмийн дагуу зөвшөөрөлтэй ажлаа хийх хэрэгтэй” хэмээн дахин сануулав. Нийслэлийн Засаг дарга энэ удаад газрын маргаантай холбоотойгоор хууль, хяналтын байгууллагын удирдлагуудыг хүлээн авч, ямар бэрхшээл зовлон байгааг нь сонслоо. Энэ үеэр нийслэлийн Газрын албаны дарга М.Батсайхан нийслэлд газар эзэмшиж буй 12969 иргэний 14066,8 га газарт хийсэн судалгааны дүнгээ танилцуулсан юм. Нийтийн эзэмшлийн талбай болон сургууль, эмнэлэг, цэцэрлэгийн талбайгаас хууль бусаар хумслан газар эзэмшсэн аж ахуйн нэгж байгууллага, иргэний зөвшөөрлийг цуцлах саналыг Засаг даргад хүргүүлсэн гэдгээ хэлэв. Эхний ээлжинд 40 газрын зөвшөөрлийг цуцлахаар болжээ. Удахгүй олон нийтэд кадастрын зургийг нь ил болгох аж.

Газрын тухай хууль зөр­чиж, захирамж гарган ир­гэн, аж ахуйн нэгжүүдэд эзэм­шүүлсэн газрын жагсаалт:
1. Клиникийн нэгдүгээр амар­жих газрын зүүн хойд талд хашаа татсан хоосон газрыг бусдад эзэмшүүлсэн
2. Сүхбаатар дүүргийн гурав­дугаар хороо “Хангай” зочид буудлын хойно байрлах явган хүний газрыг хамарч газар олгосон
3. “Мөнххаан” трейд ком­па­ни “Их Монгол” рестораны хойд авто замыг хамарч газар эзэмшсэн
4.    “МITIC” компани Энх­­тайваны гүүрний хажууд талын 4400 метр кв газрыг эзэмшиж байна. Тус газарт үйлчилгээний байгууллага, орон сууц барихаар газар ол­госон ч хашаа татан олон жил үйл ажиллагаа явуулаагүй байна
5.    “С анд Трэйд” ком­пани Сүхбаатар дүүргийн найм­дугаар хороо, Усан спорт сургалтын төвийн зүүн талын хоосон газар
6.    Иргэн Нямдаваад Төв шуудангийн урд талын зам дээрх газрыг эзэмшүүлсэн
7.    Иргэн Энхжаргалд Сон­­гинохайрхан дүүргийн ну­­­­­­­­агт байрлах авто зогсоолыг эзэмшүүлсэн
8.    Иргэн Гэрэлмаад “Сап­поро” төвийн урд талын авто машины зогсоолын газ­­­рыг хамруулж газар эзэмшүүлсэн
9.    “Мөнххаан трейд” Сон­ги­нохайрхан дүүргийн 16 хороо, “Пирамид” үйл­чил­гээний төвийн урд талын нийтийн эзэмшлийн талбайд газар эзэмшсэн
10.    “Саруулсайхан” ком­пани Сонгинохайрхан дүүр­гийн 15 хороо нэгдүгээр хо­роололд байрлах 32 дугаар байрны урд талын зам дээр нийтийн эзэмшлийн газарт газар эзэмшсэн
11.    Иргэн н.Алгирмаа Сон­­­­­­­­­­­­гинохайрхан дүүргийн 17 хор­­оо 32 дугаар байрны хойд талд газар эзэмшсэн
12.    “Батцагаан өргөө” ком­­­пани “Шунхлай нефт бааз”-ын хойно цэвэрлэх бай­гууламжийн хажууд 50 000 ам.метр газар эзэмшиж байна
13. Чингэлтэй дүүрэгт “Макс импэкс” компани Төв шуудангийн баруун талд таван одтой зочид буудал барих зориулалтаар 3515 метр газар эзэмшдэг. Тус газрыг эргүүлэн авах саналыг гаргав
14.    “Си энд трейд” ком­па­ни Урт цагаан үйлчилгээний зүүн хойд авто зогсоолын газрыг хамарч газар эзэмшсэн
15.    Иргэн Очирсүрэн Чин­гэлтэй дүүргийн тавдугаар хороо, Хөдөлмөрийн дээд сургуулийн хойно байрлах 20 дугаар байрны дунд байрлах газрыг эзэмшдэг
16.    Иргэн Саруулбаатар Чин­­гэлтэй дүүргийн тавдугаар хороонд байрлах “Тэди” үйл­чилгээний төвийн авто зог­соолын гарах гарцыг эзэмшдэг.
17.    Иргэн Оюунтуяа Чин­гэл­тэй дүүргийн нэгдүгээр хо­роо, Худалдаа хөгжлийн банкны замын урд талын газрыг эзэмшдэг
18.    Иргэн Үнэнбүрэн Чин­­гэлтэй дүүргийн нэгдүгээр хо­роо, Худалдаа хөгжлийн банкны замын урд талын газрыг эзэмшдэг
19.    “Талын хүрээ” ком­па­ни Баянгол дүүргийн дө­рөв­дүгээр хороонд байрлах 157 дугаар цэцэрлэгийн зүүн талд байрлах газар
20.    Баянгол дүүргийн 11 хороо, Баянгол эмнэлгийн баруун урд газар байрлах газар “Билэг их” дэлгүүрийн өөдөөс харсан машин угаалгын газар
21.    “Luminary” компани Баянгол дүүргийн хоёрдугаар хороо, Үйлдвэрчний эвлэлийн зүүн талын ногоон байгууламж дээрх газар
22.    “Сод Монгол” групп “ТБД” андуудын баруун урд талд эзэмшиж байгаа “Сод Монгол” шатахуун түгээх станцын газрыг эргүүлэн авах
23.    Баянгол дүүргийн гуравдугаар хороо, Нарны гүүрийн баруун талд “Барс” захын хойд талын цэцэрлэгт хүрээлэнгийн ногоон бай­гууламж дунд газар олгосон.
24.    Баянзүрх дүүрэгт “Хан паласе” зочид буудлын урд талд иргэн Бат-Өлзий нарын дөрвөн хүний дунд эзэмшиж байна
25.    РЦНК-ын баруун та­лын газрыг аж ахуйн нэгжүүдэд эзэмшүүлсэн
26.    Баянзүрх дүүргийн 26 дугаар хороо, Үндэсний цэ­­­­­цэрлэгт хүрээлэн зүүн хойд талд Дүнжингарав эзэмшлийн үйлчилгээний газрын эрхийг цуцлах
27.    Хан-Уул дүүрэгт гуравдугаар хороо “Автобус нэг” компанийн хойд талд, Дунд голын урсацыг нарийсгаж зөвшөөрөлгүйгээр далан барьж байгаа газар
28.    52 дугаар сургуулийн өргөтгөлийн барилгын урд талын биеийн тамирын талбайд 714 метр газрыг бусдад эзэмшүүлсэн
29.    18 дугаар сургуулийн хашаан доторх 300 ам.метр газрыг бусдад эзэмшүүлсэн
30.    Иргэн Б.Нямсүрэн Хан-Уул дүүргийн 10 дугаар хороо “Чингис хаан” нисэх онгоцны буудлын урд талын 33 мянган ам.метр газар
31.    “Хаан плаза” компани Хан-Уул дүүргийн 10 дугаар хороо, “Чингис хаан” нисэх онгоцны буудлын хойд талд 35 мянган метр кв газар
32.    Хан-Уул дүүргийн найм­дугаар хороо нисэхийн урд талд 200 мянган метр кв буюу 20 га газар эзэмшиж байна
33.    “Буянт” цэцэрлэг нь Хан-Уул дүүргийн гуравдугаар хороо, ЗДТГ-ын зүүн талд үйл­чилгээний байгууллага барина гэж газар авсан. Одоогоор машин угаалгын газар ажи­ллуулж байна.
34.    3ДЦС-III цахилгаан станцын баруун талын газрыг бусдад эзэмшүүлсэн.
Нийслэлийн газрын албаны даргга М.Батсайхан “Төвийн зургаан дүүргийн шүү­­хээр барилга угсралтын аж­лын зөвшөөрөл аваагүй 64 барилгын үйл ажиллагааг зог­соохоор хандсан ч шийд­вэрлэх боломжгүй гээд авч хэлэлцээгүй. Хууль зөрчин газрын зөвшөөрөл авсан барилга байгууламжийг ну­раахгүйгээр төрийг хохиролгүй болгох вэ. Банк болон эрх бүхий этгээдэд барилга бай­гууламжаа хэсэгч­лэн барь­цаанд тавьчихсан тохиол­долд яах вэ” гэх хүндрэлтэй асуу­­дал байгааг ч хэлсэн юм. М.Батсайхан даргын хийсэн судал­гаанаас харахад цааш­даа газартай холбоотой мар­гаан мэргэжлийн хяналт, шүүх, цагдаагаар тасрахгүй мөн­­хөд үргэлжлэх нь гэдэг нь харагдаж байлаа.


МХЕГ-ын даргын түр орлон гүйцэтгэгч М.Ням-Очир “Өмнөх дүүргүүдийн Засаг дарга газрыг үнэхээр хайр найргүй, замбараагүй олгосон. Газар олголт, барилгын түр болон ерөнхий зөвшөөрлийн мэдээллийн нэгдсэн сантай болмоор байна. Тэгэхгүй бол манай ажилтнуудад хүндрэл учирдаг. Тухайлбал, барилгын ком­пани цаг хожиж бичиг баримтаа өөрчлөх, ямар нэгэн зөр­чил гаргах боломжийг ол­гоод байна. Барилгын тех­никийн болон хяналтын ул­сын байцаагчид ачаалал маш ихтэй байдаг. Зөвхөн дэд бүтэцтэй холбоотой бичиг баримт есөн дүүргээс ирдэг. Үүнээс 2100-3000 баримт бичиг 15 байцаагчид ирж байх жишээтэй” гэв. Дээрх би­чиг баримтуудаас гадна бороо орох бүрт л дээврээс ус алдлаа, шал цөмөрч орсон зэрэг чанаргүй барилгын талаархи дуудлага мэргэжлийн хяналтын газарт тасралтгүй ирдэг гэнэ. Гадаадын улс орнуудад иймэрхүү тулга тойр­сон ажлаа төрд бус ху­вийн хэвшил, төрийн бус бай­гууллагад даатгачихдаг. Өнөөх байгууллага бо­лон иргэдийн хувьд даатга­лын сангаар хохирлоо бараг­дуул­даг жишээг энэ үеэр хөндлөө. Ажлаа хийдэггүй гэж байнга шүүмжлүүлдэг Мэргэжлийн хяналтынхны зовлонг цааш тоочвол зөндөө бололтой.  Нэг компанид шалгалт хийхээр ажиллагсад нь захирал болон гүйцэтгэгч компанийнхаа удирд­­лагыг мэддэггүй. Барил­гын даамал юм уу санхүүгийн хү­нээс цалингаа аваад л хэдэн хүн барилгын талбай дээр ажиллаж байдгаас жинхэнэ “босс”-оо мэддэггүй жишээ түгээмэл байна. “Тэнгис”  кино театрын дэргэдэх хүний аминд хүрсэн барилгын эзэн нь олдохгүй байснаас харахад үүнийг үгүйсгэх аргагүй бололтой. Ингээд зөвшөөрлийг нь шалгахын тулд эзнийг нь хайж хэдэн байцаагч нар нь муур, хулгана болж тог­ло­соор хамаг ажлаа бардаг байна. Мөн мэргэжилтэй ажил­­тан, туслах ажилтны тоонд тодорхой хэмжээний харь­­цуулсан квот тогтоох саналыг МХЕГ-ын даргын түр орлон гүйцэтгэгч М.Ням-Очир гаргасан юм. Тэгэхгүй бол нэг компанид шалгалтаар очиход ганцхан инженер бусад нь туслах ажилтан байдаг. Үүнээс болж хөдөлмөрийн аюулгүй байдалтай холбоотой гэмт хэрэг цаашдаа ч тасрахгүй гэдгийг анхааруулав.