"Биллийг устга" киноны дүрээрээ алдаршсан жүжигчин Ума Турман “Gotham” сэтгүүлийн арванхоёрдугаар сарын дугаарт ярилцлага өгчээ. Одоо 42 настай жүжигчин ар гэрийн амьдралаа жүжигчний завгүй хөдөлмөртэй хослуулахдаа тэнцвэрийг нь олох гэж хэрхэн сандардаг байсан залуу үеэ энэ ярилцлагадаа эргэн дурсчээ. Тэрээр кино ажилдаа илүү анхаардаг байсан бага залуу насандаа гэр бүл, хүүхдүүдийнхээ өмнө дандаа буруутай мэт санагдаж, гэмшиж явдаг байснаа дурсан ярьжээ.


Харин одоо гурван хүүхдийн ээж болсон тэрээр ажил, амьдралаа аль хэдийнэ зохицуулж сурчээ. Тэрээр хамгийн бага хүүхдээ өнгөрсөн долдугаар сард төрүүлсэн билээ.

Түүнийг нэр алдарт хүргэсэн "Биллийг устга" киноны гуравдугаар анги гарах гэж байгаа гэсэн яриа олон жил үргэлжилж байгаа боловч одоо хүртэл кино зохиол нь гарч, ажил хэрэг болсон зүйл байхгүй гэдгийг Ума Турман мөн ярилцлагадаа дурджээ.