“iCarly” хэмээх телевизийн шоугаар олны танил болсон Америкийн залуу жүжигчин Миранда Косгроүв ирээдүйдээ хөрөнгө оруулалт хийж, 2,6 сая ам.доллараар байшин худалдан авчээ. Одоо 19 настай жүжигчин алдарт “iCarly” цувралынхаа нэг ангид л тоглохдоо 180 мянган ам.доллар халаасалдаг тул хамгийн өндөр орлоготой залуу жүжигчдийн нэг болоод байгаа юм. Мирандагийн шинэ байшин түүний сурахаар төлөвлөж буй Калифорнийн Лос Анжелосын их сургуулийн ойролцоо байдаг, унтлагын гурав, ариун цэврийн гурван өрөөтэй тохилог хаус юм байна. Залуу жүжигчин кино зохиолч, найруулагчийн чиглэлээр суралцах юм байна.