Тэйлор Свифтийн ээлжит дурлал бас л бүтэлгүйтсэн бололтой. Английн “One Direction” хамтлагийн царайлаг залуу Харри Сталистай ердөө сарын л өмнө дотносон, шинэ жилийг хамтдаа өнгөрүүлэн хэвлэлээр шуугиан тарьж байсан тэрээр хэд хоногийн өмнө найз залуугаасаа салсан гэнэ. Шинэ жилийн үдшийг Нью-Йоркт хамт өнгөрүүлж, олны нүдэн дээр үнсэлцэж байсан хос хоёр шинэ оны эхний өдрүүдийг Британийн Виржин арал дээр өнгөрүүлэхээр ирээд байсан юм. Гэвч тэдний хооронд юунаас ч юм маргаан үүсч, Тэйлор Свифт Харри Стайлисыг орхин, Америк руугаа ганцаар ниссэн байна. Харин Харри Стайлис ганцаар үлдсэн гээд гунигласангүй, арал дээр цагийг зугаатай өнгөрүүлээд Лондон руу буцжээ. Тэдний хэн нь ч харилцаагаа тасалсан, салсан гэж мэдэгдээгүй боловч Тэлор Свифтийн ойрын эх сурвалж тэднийг хоёр тийшээ болсон нь баттай гэж “Daily Mail”-д ярьжээ. Магадгүй Тэйлор Свифт бүтэлгүй дурлалын тухай шинэ дуугаар удахгүй фэнүүддээ бэлэг барьвал энэ мэдээлэл батлагдах биз ээ.
Каунтри од Тэйлор Свифт өмнө нь Тэйлор Лотнер, Жон Мэйер, Жейк Гилленхаал, Коннор Кеннеди нартай хайр сэтгэлийн холбоотой байсан юм.

Тэд арал дээр гурван өдрийг хамт өнгөрүүлжээ. Алдартай хос хоёр фэнүүдтэйгээ зургаа татуулсан нь.

Гэвч үл мэдэгдэх маргааны улмаас Тэйлор Свифт амралтаасаа түрүүлэн явж, Харри Стайлис ганцаар үлдсэн нь цагийг ийнхүү зугаатай өнгөрүүлжээ.


Тэрээр Лондон руу ганцаараа буцжээ.

Шинэ жилийн шөнийг тэд Нью-Йоркт өнгөрүүлээд маргааш нь Виржин арлыг зорьсон юм.