Нэгэн үе биеийн байдал нь маш хүнд байна гэлцэж байсан Венесуэлийн Ерөнхийлөгч У.Чавесын эрүүл мэнд одоо тогтворжиж,  мэс заслын дараахь хүндрэлээс ангижран, эмчилгээний шатандаа орсон гэдгийг дэд Ерөнхийлөгч Николс Мадуро мэдэгдлээ. Өнгөрсөн арванхоёрдугаар сарын 11-нд хорт хавдрын мэс засал хийлгэсэн У.Чавес хүнд хагалгааны улмаас уушгины халдвар авч, биеийн байдал нь нэлээд хүндэрсэн юм. Гэхдээ одоо түүний бие дээрдэж, газрын тосны үнэ сонирхохтойгоо болсон гэнэ. Дэд Ерөнхийлөгч Н.Мадуро энэ сарын 14-нд Кубад очиж Ерөнхийлөгчөө эргэхэд тэрээр газрын тос ямар үнэтэй байгааг асуужээ. Газрын тосны экспортоос улсын төсвийн орлогынхоо дийлэнхий бүрдүүлдэг болохоор төрийн тэргүүний хувьд газрын тосны зах зээлийн үнэд хамгийн түрүүнд санаа тавих нь аргагүй юм.