Умард Солонгосын эрх баригчид олон жилийн турш гадаадын иргэдийг улс орондоо гар утас оруулахыг хориглож байснаа цуцаллаа. Ингэснээр өмнө нь хил нэвтрэхийн өмнө гар утсаа эргүүлэн явуулдаг байсан бол одоо утасны дугаараа тэмдэглүүлээд хилээр авч орж болох болж байгаа юм. Гэхдээ Пеньян дахь төрийн мэдлийн "Коре-линк" компанид бүртгүүлэн олон улсын СИМ-карт ашиглаж болох юм байна. Харин гадаадын иргэд орон нутгийн суурин болон солонгос иргэдийн гар утас руу залгаж болохгүй гэнэ. Умард Солонгос 1980-аад оноос гадаадын жуулчдыг нэвтрүүлэх болсон юм. Тэр хүртэл энэ оронд коммунист лагерийн болон эвсэлд үл нэгдэх хөдөлгөөний гишүүн орны хүмүүс л очдог байж. Гэхдээ жуулчдыг интернэт ашиглах, ямар нэгэн мэдээлэл дамжуулах, жирийн хүмүүсийн зураг авах, ганцаараа гудамжаар зугаалахыг хориглодог юм.