Вьетнам улс цаазын ялд ашиглах хорыг өөрсдөө дотооддоо хийхээр болжээ. Учир нь, Европын холбооны орнуудаас худалдаж авдаг байсан тариаг нь экспортлохыг зогсоосон учир ялыг гүйцэтгэх ямар нэгэн аргыг сонгох хэрэгтэй болжээ. Өмнө нь, тус улс ялын дээд хэмжээг галт зэвсгээр гүйцэтгэдэг  байсан ч өртөг зардлаас гадна ялыг гүйцэтгэж буй хүмүүстээ илүү сэтгэлийн дарамт стресс үүсгэдэг учир гурван шатлалтай тариа хийдэг болжээ. Үүний тулд тодорхой хүмүүсийг мэргэшүүлж, сургалтад хамруулан, өндөр шаардлага дор тариаг импортолж авдаг байжээ. Харин  саяхнаас Европын холбоо ийм тарианд маш хатуу хяналт шалгуур тавьдаг болсон аж. Одоо Вьетнамд цаазын ял сонссон 500 гаруй хүн байгаа гэнэ.