Дулааны тавдугаар цахилгаан станцын төслийн барилга угсралтын бэлтгэл ажил эрчимжиж байна
УДИРДАХ ЗӨВЛӨЛ: Г.Занданшатар Ерөнхий сайдаас чөлөөлөгдөх өргөдлөө өгчээ
А.Баяр: Төрийн далбаагаа даваа гарагийн өглөө мандуулж, баасан гарагт буулгахын тулд сурагчид хичээл тасалдаггүй болсныг багш нар хэллээ
"Үндэсний баялгийн сангийн өнөөгийн байдал, тулгамдаж буй асуудал" сэдвээр сэтгүүлчдэд мэдээлэл өгч, санал солилцлоо
"Биологийн олон янз байдлыг хамгаалах санхүүжилтийн шинэ механизмыг бүрдүүлэх шаардлагатай"
Далайд гарцгүй хөгжиж буй орнуудын сайд нар хуралдаж, хамтарсан тунхаглал баталжээ
“Монгол хүн баялгийнхаа эзэн” санал асуулгын нэгдүгээр шат орон даяар эхэллээ
Халуун усаа хязгаарлуулсан орон сууцуудад шугамын засвар хийж байна
"АИ-92 шатахуунаас бусад төрлийн бүтээгдэхүүний үнэ 300-350 төгрөгөөр нэмэгдэнэ"
Хүүхдийн хоол үйлдвэрлэл, шим тэжээлийн сургалт арга зүйн үндэсний төвийг нээлээ
Хойд Солонгос цөмийн туршилт хийнэ
Хойд Солонгос гурав дахь удаагаа цөмийн туршилт хийх бүх бэлтгэлээ хангасан тухай Өмнөд Солонгосын “Тона ильбо” сонин мэдээлж байна. Өмнөд Солонгос нь АНУ-ын тагнуулын хиймэл дагуулуудын мэдээллийг тогтмол авч байдаг болохоор энэ мэдээлэл нь тагнуулын байгууллагатай холбоотой эх сурвалжаас авсан мэдээ бололтой.
Эдгээр мэдээллээс үзвэл Хойд Солонгосын тал Хамген Пукто мужид байдаг Пхунге-ни дүүрэг дэх цөмийн туршилтын талбарт шинэ хэвтээ хонгил ухаж, хэмжилтийн тоног төхөөрөмжийг суулгаад битүүмжилсэн аж. Ингэж битүүмжилнэ гэдэг нь ойрын хугацаанд дэлбэрэлт хийх гэж байгааг илтгэсэн хамгийн тод шинж тэмдэг гэж үздэг байна. Энэ мэдээлэл бараг гарсан даруйдаа Хойд Солонгосын хийсэн өөр мэдээллээр батлагдсан. Хойд Солонгосын Үндэсний батлан хамгаалах төрийн хорооноос мэдэгдэл хийхдээ “АНУ-ын эсрэг хийж байгаа бидний тэмцэл шинэ үе шатанд гарлаа.
Тиймээс цаашид ч хөөргөсөөр байх алсын тусгалтай пуужин болон туршсаар байх өндөр төвшний цөмийн туршилт нь бидний заналт дайсан АНУ-ын эсрэг чиглэсэн гэдгийг нуухгүй” гэж мэдэгджээ. Ингэснээр өнгөрсөн оны арванхоёрдугаар сарын 12-нд хөөргөсөн пуужин нь анхлан мэдэгдэж байсан шиг энхийн зориулалттай бус харин алсын зайн тусгалтай, цөмийн хошуу тээх чадвартай пуужингийн туршилт байсан гэдгийг нотлож өгсөн хэрэг болов. Үүнийг Японы Батлан хамгаалах яамнаас өчигдөр гаргасан мэдэгдэл ч батлаж байгаа юм. Уг мэдэгдэлд Хойд Солонгосын пуужингийн технологи нь төвшин ахиж 10 мянган км замыг туулах чадвартай болсон нь АНУ-ын баруун эрэгт хүрч байгаа хэрэг билээ.
Тэгэхээр хоёр Солонгосын хооронд гал түр зогсоох гэрээ зөрчигдвөл онолын хувьд Хойд Солонгос нь АНУ руу цөмийн цэнэгт хошуутай пуужин харваж чадахаар болсон хэрэг юм. Гэхдээ Хойд Солонгосын эрх баригчид байсхийгээд л энэ мэт сүржин мэдэгдэл хийдэг болохоор Өмнөдийн элэг нэгтнүүд болон далайн чанадын том ах нар мэдэгдэлд маш тайван хандлаа. Тухайлбал, Өмнөд Солонгосын Гадаад хэргийн яам нь хойд нутгаас ирсэн мэдэгдэлд гүнээ харамсч байгаагаа илэрхийлсэн бол АНУ-ын төлөөлөгч “Одоогийн байдал нь Солонгосын хойгт хурцадмал байдлыг нэмэгдүүлэхэд тохиромжгүй байдал. Хойд Солонгос нь туршилт хийх эсэхээ өөрөө шийдэх улс. Бид өөрийн зүгээс тэднийг туршилт хийхгүй байх гэж найдаж байгаа бөгөөд татгалзахын уриалж байна. Туршилт нь том алдаа болно” гэжээ.
Хойд Солонгос гурав дахь удаагаа цөмийн туршилт хийх бүх бэлтгэлээ хангасан тухай Өмнөд Солонгосын “Тона ильбо” сонин мэдээлж байна. Өмнөд Солонгос нь АНУ-ын тагнуулын хиймэл дагуулуудын мэдээллийг тогтмол авч байдаг болохоор энэ мэдээлэл нь тагнуулын байгууллагатай холбоотой эх сурвалжаас авсан мэдээ бололтой.
Эдгээр мэдээллээс үзвэл Хойд Солонгосын тал Хамген Пукто мужид байдаг Пхунге-ни дүүрэг дэх цөмийн туршилтын талбарт шинэ хэвтээ хонгил ухаж, хэмжилтийн тоног төхөөрөмжийг суулгаад битүүмжилсэн аж. Ингэж битүүмжилнэ гэдэг нь ойрын хугацаанд дэлбэрэлт хийх гэж байгааг илтгэсэн хамгийн тод шинж тэмдэг гэж үздэг байна. Энэ мэдээлэл бараг гарсан даруйдаа Хойд Солонгосын хийсэн өөр мэдээллээр батлагдсан. Хойд Солонгосын Үндэсний батлан хамгаалах төрийн хорооноос мэдэгдэл хийхдээ “АНУ-ын эсрэг хийж байгаа бидний тэмцэл шинэ үе шатанд гарлаа.
Тиймээс цаашид ч хөөргөсөөр байх алсын тусгалтай пуужин болон туршсаар байх өндөр төвшний цөмийн туршилт нь бидний заналт дайсан АНУ-ын эсрэг чиглэсэн гэдгийг нуухгүй” гэж мэдэгджээ. Ингэснээр өнгөрсөн оны арванхоёрдугаар сарын 12-нд хөөргөсөн пуужин нь анхлан мэдэгдэж байсан шиг энхийн зориулалттай бус харин алсын зайн тусгалтай, цөмийн хошуу тээх чадвартай пуужингийн туршилт байсан гэдгийг нотлож өгсөн хэрэг болов. Үүнийг Японы Батлан хамгаалах яамнаас өчигдөр гаргасан мэдэгдэл ч батлаж байгаа юм. Уг мэдэгдэлд Хойд Солонгосын пуужингийн технологи нь төвшин ахиж 10 мянган км замыг туулах чадвартай болсон нь АНУ-ын баруун эрэгт хүрч байгаа хэрэг билээ.
Тэгэхээр хоёр Солонгосын хооронд гал түр зогсоох гэрээ зөрчигдвөл онолын хувьд Хойд Солонгос нь АНУ руу цөмийн цэнэгт хошуутай пуужин харваж чадахаар болсон хэрэг юм. Гэхдээ Хойд Солонгосын эрх баригчид байсхийгээд л энэ мэт сүржин мэдэгдэл хийдэг болохоор Өмнөдийн элэг нэгтнүүд болон далайн чанадын том ах нар мэдэгдэлд маш тайван хандлаа. Тухайлбал, Өмнөд Солонгосын Гадаад хэргийн яам нь хойд нутгаас ирсэн мэдэгдэлд гүнээ харамсч байгаагаа илэрхийлсэн бол АНУ-ын төлөөлөгч “Одоогийн байдал нь Солонгосын хойгт хурцадмал байдлыг нэмэгдүүлэхэд тохиромжгүй байдал. Хойд Солонгос нь туршилт хийх эсэхээ өөрөө шийдэх улс. Бид өөрийн зүгээс тэднийг туршилт хийхгүй байх гэж найдаж байгаа бөгөөд татгалзахын уриалж байна. Туршилт нь том алдаа болно” гэжээ.
0 Сэтгэгдэл
