Холливудын хамгийн том кино наадам Оскарын өмнө болдог томоохон сорилгуудын нэг болох Дэлгэцийн жүжигчдийн холбооны шагнал гардуулах ёслол өчигдөр боллоо. Энэ жилийн кино наадмуудад өндөр рейтингтэй яваа Арго, Линкольн зэрэг кино, мөн Оскарт нэр дэвшсэн уран бүтээлчдийн дийлэнх нь энэ шагнал гардуулах ёслолоос ганзага дүүрэн буцжээ. Тухайлбал шилдэг киногоор Бен Аффлекийн найруулсан "Арго" шалгарсан бол шилдэг эрэгтэй жүжигчнээр "Линкольн" киноны Даниель Дэй Левайс тодорсон байна. Шилдэг эмэгтэй жүжигчнээр "Silver Lining Playbook" киногоор Женнифер Лоуренс, эрэгтэй туслах дүрийн номинацад Томми Ли Жонс "Lincoln" киногоор, эмэгтэй туслах дүрд Энне Хатавэй "Les Miserable"-ын дүрээр шалгарчээ.